महानगरपालिकामा अख्तियारको छापा

काठमाडौं, १५ भदौ । अख्तियार दुरुपयोग अनुसन्धान आयोगले नेपालको एक मात्र महानगरपालिका (काठमाडौं महानगरपालिका)मा छापा मारेको छ ।

पछिल्लो समय निक्कै सक्रिय बनेको अख्तियारले आइतबार कार्यालय समय शुरु हुनासाथ महानगरपलिकामा छापा मारेको हो ।

महानगरपालिकामा अरबौंको भ्रष्टाचार र अनियमितता भएका हजारौं उजुरी परेपछि अख्तियारले सुनधार बागदरवारस्थित महानगरपालिकाको कार्यालयमा छापा मारि शंका लागेका कागजपत्रहरु जफत गरेको हो ।

अख्तियारबाट खटिएका ५० जना कर्मचारीले महानगरका प्रायः सबै शाखाबाट कागजपत्रहरु जफत गरेर मुचुल्का उठाएको अख्तियारले जानाएको छ ।