काठमाडौं, १५ असोज । भारत र पाकिस्तानबीच युद्धको अवस्था सिर्जना भइरहेका बेला चीनले भारतलाई अप्ठेरो पार्ने कदम उठाएको छ ।
चीनले तिब्बत भएर भारततर्फ बग्ने ब्रह्मपुत्र नदीको एक सहायक नदी रोकेर भारतको चिन्ता बढाएको हो । चीनको यो कदमले भारतको असम, सिक्किम र अरुणाञ्चल प्रदेशमा पानीको आपूर्तिमा कमी आउनेछ ।
चीनको सरकारी न्यूज एजेन्सी सिन्हुवाका अनुसार ब्रह्मपुत्र नदीको सहायक नदीलाई प्राविधिक कारण देखाउँदै चीनले रोकेको हो ।
काश्मिरको उरी घटनापछि भारतले पाकिस्तान बग्ने सिन्धु नदी रोक्ने धम्की दिइरहेका बेला चीनले ब्रह्मपुत्रको सहायक नदी रोकेर भारतका अगाडि अप्ठेरो स्थिती सिर्जना गरेको छ ।
जानकारहरुका अनुसार चीनले ब्रह्मपुत्र नदी पुरै रोके भारतका आधा राज्यमा मरभुमीमा परिणत हुने बताइन्छ ।
प्रतिक्रिया