वेष्टइण्डिजले अन्तिम समयमा यसरी चकनाचुर पाऱ्यो भारतको सपना

काठमाडौं, १२ भदौ । वेष्ट इन्डिजसँगको पहिलो टी–२० क्रिकेटमा भारत एक रनले पराजित भएको छ ।

शनिबार राति अमेरिकाको फ्लोरिडामा भएको खेलमा भारत अन्तिम समयमा चुक्दा वेष्ट इन्डिजसँग एक रनले हारेको हो । वेष्ट इन्डिजले प्रस्तुत गरेको २४६ रनको लक्ष्य पछ्याएको भारतले पूरै ओभर खेल्दै चार विकेटको क्षतिमा २४४ रन मात्र बनाउन सक्यो । जित्नै लागेको खेल आफ्नो कब्जामा पारेर वेष्ट इण्डिजले अन्तिम समयमा भारतको सपना चकनाचुर पार्यो ।

भारतका लोकेश साहुलले नटआउट ११०, रोहित शर्माले ६२, कप्तान महेन्द्र सिंह धोनीले ४३ तथा विराट कोहलीले १६ रन बनाए पनि नतिजा आफ्नो पक्षमा पार्न सकेनन् । वेष्ट इन्डिजका डवेन ब्रावोले दुई विकेट लिए । भारतलाई अन्तिम ओभरमा ८ रन चाहिएको थियो । पहिलो बलमा ब्राभोले धोनीलाई एक रन दिए । दोस्रो बलमा केएल राहुलले पनि एक रन लिए । तेस्रो र चौथो बलमा पनि भारतले एक रन लियो भने पाँचौ बलमा धोनीले २ रन जोडे । अब अन्तिम बलमा पनि जितका लागि २ रन चाहिएको थियो । अन्तिम बलमा ब्राभोले धोनीको विकेट लिएपछि वेष्टइण्डिजले भारतमाथि १ रनको रोमाञ्चक जित हात पार्यो ।

यसअघि वेष्टइण्डिजले राम्रो सुरुवात गरेको थियो । जोनसोन कार्लोस र इभान लुइसले पहिलो विकेटका लागि १२६ रनको साझेदारी गरे । कार्लोस ७९ रनमा आउट भए । लुइसले शतक पुरा गरे । उनी १०० रनमा जडेजाको बलमा आउट भए ।

आन्द्र रसेल र किरन पोलार्डले समान २२ रन बनाए भने कार्लोस ब्रोथवाइट १४ रनमा रन आउट भए ।