दूत दिल्ली पठाउनुअघि नै प्रचण्डलाई भारतबाट आयो यस्तो सन्देश

काठमाडौं, २ भदौ । सरकारले विशेष दूतका रुपमा उपप्रधान एवं गृहमन्त्री विमलेन्द्र निधिलाई दिल्ली पठाउनै लाग्दा भारतले सन्देश पठाएको छ ।

उसले पुष्पकमल दाहाल नेतृत्वको नयाँ सरकारसँग नजिक रहेर काम गर्न तयार रहेको सन्देश विहीबार साँझ सार्वजनिक गरेको हो ।

यो सन्देश प्रधानमन्त्रीका विशेष दूत निधी भारत जानु एकदिन अघि आएको छ । निधी भोलि भारत जाँदैछन् ।

भारतीय विदेश मन्त्रालयमा आयोजित पत्रकार सम्मेलनमा प्रवक्ता विकास स्वरुपले दिल्लीले नेपालसँगको सम्वन्ध आफ्नो उच्च प्राथमिकतामा रहेको बताउँदै निधिको भ्रमणले नयाँ सरकारको प्राथमिकता बुझ्ने मौका पाउने बताए ।