काठमाडौं, ३० साउन । मन्त्री बन्नका लागि पार्टीभित्र विवाद होइन । मन्त्री बन्नका लागि सांसदहरुले सबै शक्ति प्रयोग गर्ने गर्छन् । मन्त्री बन्न हरेक पार्टीमा हानथाप नै हुने गरेको छ ।
यतिसम्म कि मन्त्री नपाउँदा केहीले पार्टी नै परित्यागसमेत गर्ने गरेका छन् । नेपाल समाचार पत्र दैनिकले खबर छापेको छ ।
पार्टीले मन्त्री छनोट गर्दा योग्यता, क्षमता, दक्षता, पार्टीलाई दिएको योगदानलाई आधार बनाउँदै आएको बताउने गरेका छन् ।
माओवादीबाट मन्त्री बन्नेहरुलाई अहिले सचिवालयमा नियुत्तः गर्ने व्यत्तिः छनोट गर्न महाभारत भएको छ ।
माओवादी नेतृत्वको सरकारले पार्टीको तर्फबाट ८ मन्त्रालय पाएको छ ।
माओवादीको तर्फबाट एक जना उपप्रधानमन्त्री र दुई जना मन्त्री नियुक्त भइसकेका छन् ।
पार्टीभित्रका जनवर्गीय संगठनका नेताहरुले सचिवालयमा आफू निकटका व्यक्तिहरुलाई राख्न दबाब दिने गरेका छन् ।
मन्त्रीहरुले बढीमा मन्त्रालयमा आठ जनासम्मलाई नियुक्त गर्न पाउने प्रावधान रहेको छ ।
प्रतिक्रिया