यी हुन् हेलिकोप्टर दुर्घटनामा परेका ७ जना (एक-एकको नामसहित)

काठमाडौं, २४ साउन । नुवाकोटमा दुर्घटनाग्रस्त फिस्टेल एयरको हेलिकोप्टरमा सवार ७ जनाकै मृत्यु भएको छ ।

गृह मन्त्रालयका प्रवक्ता यादवप्रसाद कोइरालाले हेलिकोप्टर नुवाकोटको मदनपुर– ९ बेतिनीस्थित टुच्चे भीरमा दुर्घटनाग्रस्त अवस्थामा भेटिएको बताए । उनका अनुसार हेलिकोप्टरमा सवार एक सुत्केरीसहित ७ जनाको मृत्यु भएको छ । त्यसमा पाइलट पनि परेका छन् ।

गोरखाको फिलिमबाट विरामी बोकेर सोमबार दिउँसो १२ बजेर १० मिनेटमा काठमाडौंका लागि उडेको हेलिकोप्टर नुवाकोट क्षेत्रमा आइपुगेपछि १२ बजेर ३५ मिनेट जाँदा सम्पर्कविहिन भएको थियो ।

को–को थिए हेलिकप्टरमा ?

१) ५ दिनको नवजात शिशु
२) १९ वर्षीय सुत्केरी प्रिती गुरूङ
३) उनका ससुरा ६० वर्षीय कितमान गुरूङ
४) सासु ५६ वर्षीय अज्ञानी गुरूङ
५) लक्ष्मी गुरूङ
६) २२ वर्षीय स्टाफ नर्स निशा तामाङ
७) पाइलट रञ्जन लिम्बु