काठमाडौं, २३ साउन । मलेसिया कामदारा पठाउन पुनः खुला भएको छ । अगष्ट १ देखि मलेसियाले विदेशी कामदार लिन खुला गर्ने निर्णय गरेको हो ।
अब नेपालसहित १५ वटा मुलुकबाट कामदार त्यहाँ जान सक्नेछन् । अन्नपूर्ण पोष्ट दैनिकले समाचार छापेको छ ।
झन्डै सात महिनादेखि मलेसिया कामदार पठाउन बन्द हुँदा नेपाललाई सबैभन्दा बढी मार परेको थियो ।
यो सबैभन्दा धेरै नेपाली कामदार जाने मुलुक हो । रेमिट्यान्स पनि सबैभन्दा धेरै यही देशबाट आउने गर्छ ।
मलेसियाले अबदेखि बंगलादेशबाट पनि कामदार लिने भएको छ । यसअघि १४ वटा स्रोत मुलुकमा राखिएकोमा अब बंगलादेश पनि थपेर १५ पुर्याइएको हो ।
बंगलादेश खुला गरेपछि नेपालीलाई भने कामदार पठाउन खुला भए पनि तुलनात्मक रूपमा घाटा हुने भएको छ ।
विगतमा बंगलादेश बन्द गरेकै कारण नेपालीले विविध अवसर पाएक थिए । निशुल्क भिसा र टिकटमा बंगलादेशसँग प्रतिश्पर्धा गर्न कठिन हुने व्यवसायीहरू बताउँछन् ।
प्रतिक्रिया