काठमाडौं, २० साउन । नेपाली कांग्रेसका वरिष्ठ नेता रामचन्द्र पौडेल समूहको भेलाले पार्टी पद्धति र प्रक्रिया निर्णयका साथ अगाडि बढ्न सभापति शेरबहादुर देउवालाई चेतावनी दिएको छ ।
काठमाडौंको बनस्थली नजिकै रहेको ढुङ्गेधारास्थित माउन्ट भ्यू पार्टी प्यालेसमा बिहीबार बिहान बसेको पौडेल समूहको भेलाले मन्त्रीहरू सिफारिस गर्दा पार्टीका विधान र पद्धतिअनुसार गर्नुपर्ने निर्णय गरेको हो ।
स्रोतका अनुसार सभापति देउवाले विधान, पार्टी पद्धति मिचेर एकलौटी रुपमा मन्त्री सिफारिस गर्न थालेको भन्दै सहभागीहरूले अपात्ति जनाएका थिए ।
केन्द्रीय कार्यसमितिको म्याण्डेट लिएर सभापति देउवाले संसदीय कार्यसमितिबाट मन्त्रीहरू सिफारिस गरिनुपर्ने पौडेल समूहको माग छ ।
पौडेल समूहको भेलामा सांसद र केन्द्रीय सदस्यसहित करीव ४०–५० जनाको सहभागिता रहेको बुझिएको छ ।
भेलामा बोल्नेहरूमा रामश शरण महत, सीतादेवी यादव, प्रकाशमान सिंह, महेश आचार्य, अमर पुन, गोविन्द भट्टराई, रञ्जित कर्ण, भरत खड्का, चन्द्र महर्जन, रोमी गौचन, राजन के.सी.लगायत रहेका थिए ।
प्रतिक्रिया