दुबई, १९ साउन । भारतको तिरुवन्तपुरबाट दुबईका लागि २७५ यात्रुसहित उडेको एयर इमिरेट्सको विमान बुधबार दुबईमा अवतरण गर्ने क्रममा दुर्घटनाग्रस्त भएको छ ।
विमानमा प्राविधिक समस्या देखिएपछि विमानस्थलमा यात्रुहरुलाई आकस्मिक रुपमा उद्धार गरिएको र सबै जना सकुशल रहेको यहाँको सरकारले बताएको छ । विमानमा कति क्षति भएको सम्वन्धमा केही बताइएको छैन ।
विभिन्न सामाजिक सञ्जालमा पोस्ट गरिएका दृश्यहरुमा विमानबाट धुवाँ मात्रै निस्केको देखाइएको थियो ।
विमानमा यात्रारत सबै यात्रुलाई सकुशल उद्धार गरिएको र कुनै पनि यात्रु घाइते नभएको खबर दुबई सरकारको सञ्चार कार्यालयले ट्वीट गरी बताएको छ ।
अवतरणका क्रममा विमानबाट धुवाँ निस्केको र यात्रुलाई हतार–हतार विमानबाट झारिएको घटनापछि दुबई अन्तर्राष्ट्रिय विमानस्थलबाट गरिने सबै उडान अवरुद्ध गरिएको छ ।
इ के ५२१ नम्बर उडानको बोइङ ७७७ विमान दुर्घटनाग्रस्त भएको हो । रासस/एएफपी
प्रतिक्रिया