काठमाडौं, ७ असार । क्यानडाले अफगानिस्ताको राजधानी काबुल आक्रमणमा मारिएका नेपाली नागरिकप्रति श्रद्धाञ्जलि व्यक्त गरेको छ ।
मंगलबार क्यानडाको विदेश मन्त्रालयले एक विज्ञप्ति जारी गरी मृतकप्रति श्रद्धाञ्जलि व्यक्त गर्दै घाइतेहरुको शीघ्र स्वास्थ्य लाभको कामना गरेको छ ।
काबुलमा सोमबार विहान भएको तालिवानी आत्मघाती आक्रमणमा १२ नेपाली र २ भारतीयसहित १४ जनाको मृत्यु भएको थियो । आक्रमणमा घाइते भएका ९ जनामध्ये ५ जना नेपालीहरु छन् ।
घटनामा मारिनेहरु अफगानिस्तानमा रहेको क्यानडाको राजदूतावासको सुरक्षामा खटिएका थिए ।
क्यानडाले विज्ञप्तिमार्फत भनेको छ- ‘धेरै पीडितहरु राजदूतावासका परिवारका सदस्य थिए । तिनीहरुले अफगानिस्तानमा रहेको दूतावासको सुरक्षाका लागि पुर्याएको योगदान सधैं स्मरणीय रहने छ ।’
क्यानडाले नेपाली, भारतीय, अफगान नागरिकहरुसँग मिलेर अफगानिस्तानले गरेको सहयोगको सह्राना गरेको छ । आतंकवादविरुद्ध अफगानी नागरिकहरुले गरेको संघर्षमा आफ्नो साथ रहने प्रतिबद्धता पनि क्यानडाले विज्ञप्तिमार्फत गरेको छ ।
प्रतिक्रिया