संघीय गठबन्धनले स्वयम्भूमा कोणसभा गर्दै, कार्यकर्ता तितरवितर

काठमाडौं, ८ जेठ । संयुक्त लोकतान्त्रिक मधेसी मोर्चासहितका दलहरू आबद्ध संघीय गठबन्धनले आज पनि राजधानीमा प्रदर्शन गर्दैछ ।

दिउँसो दुई बजेपछि काठमाडौंको सीतापाइलाबाट विरोध -यालीसहित स्वयंभूको कारखाना चोकमा पुगेर कोणसभा गर्ने संघीय समाजवादी फोरम नेपालका नेता आङ्काजी शेर्पाले जानकारी दिनुभयो । दुई बजेपछि विरोध -याली निकालिनेछ ।

यसअघि सिंहदरबारमा धर्ना दिइसकेको संघीय गठबन्धनले आफ्नो आन्दोलनको स्वरुप परिवर्तन गरेर कोणसभा गर्ने निर्णय गरेको थियो ।

कोणसभामा उल्लेख्य कार्यकर्ता नआएपनि संघीय गठबन्धनले आन्दोलनलाई निरन्तरता दिँदै आएको छ । संघीय गठबन्धनले जेठ १७ गतेसम्मका लागि आफ्ना कार्यक्रम बनाएको छ ।