काठमाडौं, ३ जेठ । मधेसी मोर्चासहितका विभिन्न २९ राजनीतिक दल आवद्ध संघीय गठबन्धनले सुरू गरेको सिंहदरबार घेराउको कार्यक्रमलाई अनुगमन गर्ने बहानामा पाँच दर्जन बढी अधिकारकर्मीहरू रङ्गी–चङ्गी कपडामा देखिने गरेका छन् ।
सिंहदरबार घराउ आन्दोलनकारीभन्दा धेरै मानव अधिकार शब्द लेखेको कपडा र ज्याकेट लगाएका व्यक्तिहरू धेरै देखिएका छन् ।
अधिकांशले आ–आफ्नो संस्था झल्कने गरेर मानव अधिकारकर्मी भन्ने लेखिएको ज्याकेट लगाउने गरेका छन् ।
आइतबार राष्ट्रिय मानव अधिकार आयोगका कर्मचारीहरू भने आफ्नै गाडीमा घरियता घरिउता डुलिरहेको देखिएको थियो ।
कालो चस्मा, हातमा पानीको बेतल र क्यामरा बाकेर आइतबार दिनुभरि सिंहदरबारस्थित माइतीघर मण्डला र हनुमानस्थानमा यताउता गरेको देखिने गरेका उनीहरूका गतिविधी हेर्न लायकका थिए ।
काम नभएपछि अनुगमनका नाममा दिनभरि सिंहदरबार फन्को लगाउने मानव अधिकारकर्मीको चर्तिकला देखेर धर्नाकारी नै अचम्मा परेका थिए ।
एक जना धर्नाकारीले भने, ‘हामी दिनुभरि टन्टलापुर घाममा बसेर अधिकारको लडाइ लडेका छौँ । हाम्रो आन्दोलन अनुगमन गर्ने नाममा विदेशीको पैसा ल्याएर हुल बाँधेर हिँडेका छन् ।’
हुन पनि आइतबार जता हे-यो त्यतै मानव अधिकार लेखेको ज्याकेट लगाएका अधिकारकर्मीहरू देखिन्थे ।
प्रतिक्रिया