– मोहन पौडेल
नवलपरासी, १ जेठ । नेकपा एमालेका सचिव प्रदीप ज्ञवालीले सरकारले तोकेकै समयमा स्थानीय निकायको चुनाव हुने बताउनुभएको छ ।
नवलपरासीको सुनवलमा कार्यकर्ता भेटघाटको क्रममा बोल्दै नेता ज्ञवालीले चुनावका लागि रहेका कानुनी बाधा व्यवधानलाई सरकारले पन्छाएर तोकेकै समयमा चुनाव गराउने बताउनुभएको हो ।
चुनावका लागि सरकारले तयारी सुरु गरिसकेको भन्दै ज्ञवालीले कार्यकर्तालाई पनि चुनावको तयारीमा लाग्न निर्देशन दिनुभयो ।
एमाले सचिव ज्ञवालीले वर्तमान सरकार अर्काे संसदीय चुनाव नहुँदा सम्म कायमै रहने पनि दावि गर्नुभयो । निति तथा कार्यक्रम मार्फत एमाले लोकप्रिय हुने त्रासले सरकार परिवर्तनको खेल खेलिएको भन्दै उहाँले अव त्यो सम्भावना नरहेको बताउनुभयो ।
प्रतिक्रिया