रानीपोखरीको पुनःनिर्माण गर्न समस्या, तत्काल पुनःनिर्माणको काम स्थगित

काठमाडौँ, १९ वैशाख । रानीपोखरीको बीचभागमा रहेको (म्युजिकल फाउन्टेन) पानीको फोहोराका कारण पानी निकाल्ने काम हुन नसक्दा तत्काल पुनःनिर्माणको काम स्थगित भएको छ ।

उनका अनुसार २० वटा जति रहेको उक्त फाउन्टेन निकाल्ने काम सक्नेबित्तिकै बाँकी पानी फल्ने र अन्य काम सुरु हुनेछ । पानी फाल्ने काम सकेसँगै महत्वपूर्ण कामको रुपमा रहेको पोखरीको हिलो फालिनेछ ।

गत वैशाखको भूकम्पका कारण पोखरीको मध्यभागमा अवस्थित बालगोपालेश्वर मन्दिरसमेत पूर्णरुपमा क्षतिग्रस्त भएको छ । सो मन्दिरको पनि पुनःनिर्माणको काम पनि सँगै गरिनेछ । मन्दिर आगामी बुधबारदेखि पुरातत्व विभागको रोहवरमा भत्काउन सुरु गरिनेछ ।

रानीपोखरीको पुनःनिर्माणअन्र्तगत केही स्थानमा विद्युत् जडान गरी झिलिमिली बनाइने र पोखरीको संरक्षणका लागि चारैतिर रेलिङ निर्माण गर्ने, बोटबिरुवा रोप्ने, हरियाली बनाउने बताइएको छ । रासस