काठमाडौं, ७ वैशाख । एसियाका दुई शक्तिशाली मुलुक भारत र चीनबीच एक अर्कालाई अप्ठ्यारो पार्ने होडबाजी शुरु भएको छ ।
संयुक्त राष्ट्र संघमा मसुद अजहरलाई अन्तर्राष्ट्रिय आतंकवादी घोषणा गर्नबाट चीनले रोकपछि भारतले चीनलाई पनि समस्यामा पार्ने रणनीति अघि सारेको छ । भारतले चीनमा विवादित रहेको उइगुर मुस्लिमको मुद्दा उठाएर अप्ठ्यारोमा पार्ने रणनीति बनाएको भारतीय सञ्चारमाध्यमले जनाएका छन् ।
यसअघि मसुद अजहरलाई अन्तर्राष्ट्रिय आतंकवादी घोषणा गर्न चीनले रोकेपछि भारतले त्यसको जवाफ मागेको थियो । चीनले भने यो विषयमा पाकिस्तानसँग सल्लाह गर्न सुझाव दिएको थियो ।
भारतीय सञ्चारमाध्यम टाइम्स अफ इन्डियाका अनुसार दिल्लीस्थित चिनियाँ दूतावासका अधिकारी लियु जिनसाङले आफ्नो देश यो मामिलामा भारत र पाकिस्तान सहमत हुनुपर्ने पक्षमा रहेको स्पष्ट पारेका थिए ।
अजहरको मुद्दामा आफूले भिटो लगाएको नभई प्राविधिक रुपमा रोकेको चीनको भनाइ छ ।
प्रतिक्रिया