काठमाडौं, ५ वैशाख । छुट्टाछुट्टै दुर्घटनामा तीन जनाको मृत्यु भएको छ ।
केन्द्रीय प्रहरी समाचार कक्षका अनुसार भक्तपुरमा एक जना र रुपन्देहीमा दुई जनाको दुर्घटनामा मृत्यु भएको हो ।
भक्तपुरको सूर्यविनायक नगरपालिका–१० नलिनचोकमा बा.३ ख ३०८९ नम्बरको टिपरले वा.५३ प १३७४ नम्बरको मोटरसाइकललाई आइतबार ठक्कर दिंदा गम्भीर घाइते भएका मोटरसाइकल चालक सोही नगरपालिका–१० बस्ने २४ वर्षीय सागर कार्कीको सिर मेमोरोयल अस्पताल बनेपामा उपचारको क्रममा मृत्यु भएको छ ।
टिपर र चालक काभ्रेका ४४ वर्षीय बुद्धि कर्मीलाई प्रहरीले नियन्त्रणमा लिएको छ ।
यसैगरी लुम्बिनी सांस्कृतिक नगरपालिका–९ स्थित तीननम्बर गेट अगाडि लु.१ त २९९९ नम्बरको ट्याक्टरले आइतबार ठक्कर दिंदा पैदलयात्री रुपन्देही बेथरी बस्ने २२ वर्षीय रुपेश थारुको घटनास्थलमै र गम्भीर घाइते भएका सोही ठाउँस्थित थाइमोनास्टीमा रुमब्वाईको काम गर्ने तनहुँ रायपुर–६ का २९ वर्षीय दिपक भट्टराईको उपचारको लागि मेडिकल कलेज भैरहवा लैजाने क्रममा बाटोमा मृत्यु भएको छ ।
ट्याक्टर र चालकलाई प्रहरीले नियन्त्रणमा लिएको छ ।
प्रतिक्रिया