नवलपरासी, १६ चैत । नवलपरासीमा चैत्र २६ गतेदेखि अन्तर्राष्ट्रिय नाइट (रात्रि) क्रिकेट प्रतियोगिता सञ्चालन हुने भएको छ ।
सुनरी युवा ब्रिगेड क्रिकेटर क्लबको आयोजनामा जिल्लाको सुनरीमा रातिमा प्रतियोगिता आयोजना हुन लागेको क्लबका अध्यक्ष क्यामुद्दिन अन्सारीले बताउनुभयो ।
प्रतियोगितामा भारतको युपी र नेपालको नवलपरासी र रुपन्देहीबाट करिब २० टिम सहभागी हुने क्लबले बताएको छ । प्रतियोगिता रातिमा हुने भएकाले टाढाबाट आउने खेलाडीलाई खाना तथा बस्नको व्यवस्था मिलाइएको आयोजकले जनाएको छ ।
प्रतियोगिताको हरेक लिग म्याच भारत र नेपालका समूहबीच खेलाइने छ । गत वर्ष पनि उक्त क्लबको आयोजनामा रातिमा क्रिकेट प्रतियोगिताको आयोजना गरिएको थियो ।
विद्युत् आपूर्ति अवरुद्ध
हावाहुरीका कारण विद्युत् पोल भाँचिँदा सोमबारदेखि नवलपरासीमा सहज रुपमा विद्युत् आपूर्ति अवरुद्ध भएको छ । तीव्र गतिको हावाहुरीका कारण नवलपरासीमा विभिन्न क्षेत्रमा बिजुलीका पोल भाँचिएका छन् ।
नेपाल विद्युत् प्राधिकरण कावासोती वितरण केन्द्रका प्रमुख उमेश यादवका अनुसार हावाहुरीले दिव्यपुरी र कावासोती क्षेत्रमा बिजुलीका पोल भाँचिएका छन् । रासस
प्रतिक्रिया