कांग्रेसको मतगणना आज पनि हुँदै, आरक्षणको गणना गर्ने तयारी

काठमाडौं, २७ फागुन । नेपाली कांग्रेसको १३औँ महाधिवेशन अन्तर्गत २५ खुला केन्द्रीय सदस्यका लागि भएको मतदानको मतगणना आज पनि हुने भएको छ ।

मतगणनो कांग्रेस मुख्यालय सानेपामा हुनेछ । बिहान १० बजेदेखि सुरू हुने आजको मतगणना तीन स्थानमा गर्ने तयारी भएको केन्द्रीय निर्वाचन समितिले जनाएको छ ।

यसअघि हिजो एक स्थानमा मात्रै मतगणना हुँदा अत्यन्तै ढिला भएको थियो । हिजो दिनभरिमा जम्मा १ सय ५० मत गणना भएको छ ।

मतगणनामा खुलामा पुराना अनुहार दोहरिएका छन् । हिजोको मतपरिणाम अनुसार खुमबहादुर खड्का ९४ मतसहित अग्रस्थानमा छन् ।

यसैबीच, आज आरक्षणतर्फका मतदानको गणना हुने निर्वाचन समितिले तयारी गरेको छ ।