काठमाडौं, २३ फागुन । कांगे्रसको १३ औं महाधिवेशनमा चर्चाका पात्र बनेका छन् गगन थापा ।
उनी दुई कारणले चर्चामा छन् । एउटा त महामन्त्री पदका उम्मेदवार दोस्रो भनेको ससुरा अर्जुननरसिंह केसीसँग भिड्नु ।
गगनले कृष्ण सिटौला अर्थात नयाँ संस्थापन समूहबाट महामन्त्रीमा उम्मेदवारी दिएका छन् भने केसीले शेरबहादुर देउवा पक्षबाट उम्मेदवारी दिएका छन् ।
अर्थात गगन आफ्नै ससुरासँग महामन्त्रीमा प्रतिस्पर्धा गर्दैछन् । भनिन्छ राजनीतिमा परिवार हुँदैन, मात्र विचार हुन्छ । यही सिद्धान्तलाई आत्मसात गर्दै गगन आफ्नै ससुराविरुद्ध उभिएका हुन् ।
बुवा र श्रीमान एकै पदमा प्रतिस्पर्धामा उत्रिएपछि गगनकी श्रीमती भने दोधारमा परेकी छिन् । यसबारेमा नेता अर्जुननरसिंह केसीकी छोरी अञ्जना केसी थापाले शनिबार आफ्नो प्रतिक्रिया दिएकी छिन् ।
उनले दुवैजना आत्मविश्वासका साथ चुनावी मैदानमा गएको तर दुवै जनालाई सजिलो भने नरहेको बताएकी छिन । यद्यपी दुवैजना आफ्ना कार्यकर्ताले विश्वास गरेका योग्य उम्मेदवार भएको उल्लेख गरेकी छिन् ।
उनले भनिन्– ‘यस निर्वाचनको परिणाम त मलाई थाहा छैन तर म आज दुवै जनाका लागि प्रार्थना गरिरहेकी छु ।’
उनले आफू दुबैका पक्षमा रहेको र जसले जिते पनि खुसी हुने समेत बताएकी छिन् ।
प्रतिक्रिया