काठमाडौं, ३ फागुन । आगामी ६ फागुनदेखि भारतबाट ८० मेगावाट विद्युत आयात गर्ने निश्चित भएको छ ।
सुरुमा विद्युतको मूल्य महंगो पर्न गई निर्णयमा ढिलाई भइरहेको बेला नेपाल विद्युत प्राधिकरणबीच आइतबारको छलफलले बिहीबारदेखि विद्युत आयात गर्ने निश्चित भएको हो ।
भारतको नेसनल थर्मल पावर कम्पनीको प्लान्टबाट व्यापारी कम्पनी एनटिपिसी विद्युत व्यापार निगमबाट ४ फागुनदेखि विद्यु्त आयात गर्ने सम्झौता १५ पुसमा भएकामा मूल्य धेरै भएपछि यसबारे स्पष्ट निर्णय हुन सकेको थिएन ।
उर्जा मन्त्रालय स्रोतका अनुसार आगामी ७ फागुनमा भारतको भ्रमणमा जान लागेका प्रधानमन्त्री केपी शर्मा ओली र भारतीय समकक्षी नरेन्द्र मोदीबीच ८ फागुनमा हैदरावाद हाउसमा हुने औपचारिक वार्ताकै अवसरमा रिमोट कन्ट्रोलबाट स्विच अन गरी विद्युत आयातको शुभारम्भ गर्ने कार्यक्रम तय गरिएको छ । राजधानी दैनिकमा समाचार छ ।
प्रतिक्रिया