काठमाडौँ, २६ माघ । नेपाली काँग्रेसका सभापति एवम् पूर्व प्रधानमन्त्री सुशील कोइरालाको पार्थिव शरीर श्रद्धाञ्जलिका लागि अहिले काँग्रेस केन्द्रीय कार्यालय सानेपामा राखिएको छ ।
पूर्व राष्ट्रपति डा रामवरण यादवले पार्टी कार्यालय सानेपा पुगी कोइरालाप्रति श्रद्धाञ्जलि अर्पण गर्नुभयो । उहाँको पार्थिव शरीरलाई नेपाली काँग्रेसको आकस्मिक बैठक बसेपछि पार्टीको झन्डा ओढाउने कार्यक्रम रहेको छ ।
कोइरालाप्रति श्रद्धाञ्जलि व्यक्त गर्न काँग्रेसका नेता, कार्यकर्ता तथा शुभेच्छुकको पार्टी केन्द्रीय कार्यालय सानेपामा भीड लागेको छ । स्व कोइरालाको पार्थिव शरीरलाई बिहान ८ः४५ बजे कोइराला निवास महाराजगन्जबाट शवयात्रा गरी पार्टी कार्यालय लगिएको हो । रासस
प्रतिक्रिया