वीरगञ्ज, २३ माघ । पाँच महिनादेखि बन्द रहेको वीरगञ्ज–रक्सौल नाकाबाट शनिबारदेखि ग्यास बुलेट नेपाल भित्रिन थालेको छ ।
देशकै प्रमुख वीरगञ्ज नाकाबाट गत असोज ७ पछि शनिबार दिउँसो पहिलो पटक तीन वटा ग्यासको बुलेट नेपाल भित्रिएको भन्सार कार्यालयले जनाएको छ ।
वीरगञ्ज भन्सारका अनुसार गत असोज ७ यता मधेसी मोर्चाले निरन्तर धर्ना दिएर अवरोध गरेपछि यो नाकाबाट इन्धनसहितका कुनैपनि गाडीहरु नेपाल भित्रिएका थिएनन् ।
तर, शुक्रबार भारतीय व्यापारीको अगुवाई स्थानीयबासीले आन्दोलनकारी हटाएर नाका सूचारु गरेका थिए । उनीहरुले आन्दोलनकारीहरु बस्ने टेन्ट हटाएर आगो लगाइदिएका थिए भने सवारी रोक्न ठडाइएका ढाटहरु तोडफोड गरेका थिए ।
प्रतिक्रिया