संशोधन भएपछि भारतले पहिलोपटक गर्‍यो नेपालको नयाँ संविधानको स्वागत

काठमाडौं, १० माघ । भारतले पहिलोपटक आइतबार नेपालको नयाँ संविधानको स्वागत गरेको छ ।

घोषणा भएदेखि नै असन्तुष्टि जनाउँदै आएको भारतले शनिबार संशोधन भएपछि नयाँ संविधान संशोधनको स्वागत गरेको हो ।

भारतीय विदेश मन्त्रालयले आइतबार दिउँसो एक विज्ञप्ती जारी गर्दै हिजो नेपालको संसदले पारित गरेको दुई संशोधनलाई सकारात्मक विकासको रुपमा हामी सम्मान गछौं भनेको छ ।

अगाडि भनिएको छ- हामीलाई विश्वास छ अन्य विषयहरु यसैगरी सम्बोधन हुनेछ । भारतले वार्ता र सहमतिबाटै नेपाल अघि बढोस् पनि भनेको छ ।
तराईमा आन्दोलनरत मधेशी र थारु समुदायको माग सम्बोधन गर्न सरकारले पेस गरेको समानुपातिक समावेशी र निर्वाचन क्षेत्र सम्बन्धी संशोधन विधेयकलाई परिमार्जन गरी शनिबार अबेर राति संसदबाट पारित गरिएको थियो ।

संशोधित बुँदामा तराई/मधेशमा जनसंख्याको अनुपातमा निर्वाचन क्षेत्र बढाउन र राज्यका निकायमा समानुपातिक समावेशीका आधारमा सहभागिता बढाउने विषय उल्लेख छ ।

यस्तो छ संसदबाट पारित भएको संशोधनः