सिंहदरबारमा कार्यदल बैठक सुरुः मोर्चासँग आजै सहमति बन्नसक्ने नेताहरुको विश्वास

काठमाडौं, ३ माघ । प्रमुख तीन दल र मधेसी मोर्चाको कार्यदलबीच सिंहदरबारमा बैठक सुरु भएको छ ।

विवादित विषयमा सहमति जुटाउन बसेको बैठकमा मधेसी मोर्चाले राखेका ११ बुँदे मागका विषयमा छलफल हुने नेताहरुले बताएका छन् ।

मधेसी मोर्चाका अन्य माग संविधान संशोधन विधेयकबाट पुरा हुने निश्चित भएपछि सीमांकनमा अझै विवाद कायम छ । आजको बैठकबाट सीमाकंनबारे टुंगो लाग्ने नेताहरुको विश्वास छ ।

यसअघि शनिबार प्रमुख तीन दलका शीर्ष नेताको बैठकले मधेसी मोर्चाको माग सम्बोधन गर्न राजनीतिक संयन्त्र गठन गर्ने र त्यसलाई बैधानिकता दिन संयन्त्रलाई संसदबाट अनुमोदन गराउने निर्णय गरेको थियो ।

आजको बैठकमा राजेन्द्र महतो नेतृत्वको सदभावना पार्टीका प्रतिनिधि पनि सहभागी छन् ।