ज्योतिष भन्छन्- नआत्तिनुस् ! तत्कालै ठूलो भूकम्प आउँदैन्, २०७५ सालमा आउन सक्छ

काठमाडौं, २९ पुस । नेपालमा एकपटक फेरि शक्तिशाली भूकम्प आउने समाचारले तरंग ल्याइदिएको छ ।

सबैको मनमा त्रास सिर्जना भएको छ । मंगलबार मात्रै बेलायतबाट प्रकाशित एक अध्ययनले नेपालमा फेरि विनाशकारी भूकम्पको सम्भावना रहेको औल्याएको थियो ।

यसबारे नेपालका वैज्ञानिकबाट कुनै अनुसन्धान हुन सकेको छैन् तर, ज्योतिषहरुले भने तत्कालै भूकम्प आउने सम्भावना नरहेको बताउँछन् ।

चर्चित युवा ज्योतिष डा. सुनिल सिटौला भन्छन्- तत्कालै भूकम्प आउने योग देखिदैँन् । २०७५ साल अर्थात सन् २०१९ सम्ममा भूकम्प आउनसक्ने बताउँछन् ।

उनी भन्छन्- नेपालमा ठूलो भुइचालो आउने भन्ने समाचारले फेरी एकपटक आतंक फैलाएको छ । जन सर्वसाधारण भयभित छन । तिथी मिती नभएको समाचरदेखि किन डराउने ? हाम्रो ज्योतिष गणनामा तत्कालको लागि त्यस्तो ठूलो भूकम्पको योग छैन, तर २०७५ सालतिर चाँही पर्छ ।’

यसअघि ज्योतिष सुनिलले वैशाख २९ गतेको दोस्रो भूकम्पको भविष्यवाणी गरेका थिए । जून ठ्याक्कै मिलेको थियो तर, प्रहरीले उनलाई भविष्यवाणी नगर्न भनेको थियो ।