सरकारले बर्खास्त गर्नु अगाडि नै सशस्त्रका आइजीपी कोषराज वन्तले राजीनामा दिए

काठमाडौं, ३ पुस । सशस्त्र प्रहरीका महानिरीक्षक(आईजीपी) कोषराज वन्तले शुक्रबार राति राजीनामा दिएका छन् ।

विहीबार भ्रष्टाचार गरेको अभियोगमा अख्तियार दुरुपयोग अनुसन्धान आयोगले निलम्बन गर्न सरकारलाई सिफारिस गरेपछि वन्तले आज राजीनामा दिएका हुन् । वन्तको राजीनामा पत्र प्रधानमन्त्री कार्यालय पुगिसकेको छ र मन्त्रिपरिषदमा यसबारे छलफल हुने बताइएको छ । यसअघि सरकारले आजै वन्तलाई बर्खास्त गर्ने तयारी गरेको थियो ।

वन्तको राजीनामासँगै आइजीपीका लागि एआइजीहरु जीवन थापा, दुर्जकुमार राई, कृष्णकुमार तामाङमध्ये एक जनालाई छान्न प्रधानमन्त्री ओली र प्रचण्डबीच छलफल भइरहेको छ ।