काठमाडौं, ७ मंसिर । भारत-पाकिस्तान सीमा क्षेत्र भीडन्त हुँदा भारतीय प्रहरीसहित चार जना मारिएका छन् ।
भारतीय च्यानल आजतकले लेखेको छ- दक्षिण कश्मीरमा पहलगामको अशमुकाममा सेना र आतंकवादीबीच भएको मुठभेडमा तीन आतंकवादी मारिएका छन् । पहलगामको तिलगाउँमा एक घरमा तीन जना आतंकवादी लुकेको सुराकी पाइएको थियो । तर, सीमा क्षेत्र राजौरीको एलओसीमा पाकिस्तान सेनाले सीजफायर उल्लंघन गरेर गोलाबारी गर्दा एक भारतीय जवान शहीद भएका छन् ।
समाचार अनुसार भारतीय प्रहरीको कारवाहीमा तीन आंतककारी मारिएका छन् भने, सीजफायर उल्लंघन गरेर पाकिस्तानले भारतीय प्रहरीमाथि गोलाबारी गर्दा एक भारतीय प्रहरी मारिए । पाकिस्तानी सेनाको गोली लागेर केही भारतीय प्रहरी घाइते छन् ।
यसअघि भएको भीडन्तमा राष्ट्रिय राइफल्सका कर्नेल सन्तोष महादिक मारिएका थिए । आजको भीडन्तमा लेफ्टिनेंट कर्नल समेतगरी सेनातर्फ दुई अधिकारी घाइते भएका छन् । (एजेन्सीको सहयोगमा)
प्रतिक्रिया