सुदूरपश्चिम महोत्सव मङ्सिर २२ गतेदेखि

धनगढी, ३ मङ्सिर । कैलाली उद्योग वाणिज्य सङ्घले यहां आयोेजना गर्ने सुदूरपश्चिम महोत्सवको तयारी सुरु गरेको छ ।

आज पत्रकार सम्मेलन गरी सङ्घले महोत्सवको तयारीस्वरुप विभिन्न तयारी समिति गठन गर्न थालिएको जनाएको हो ।

सङ्घका अध्यक्ष शङ्कर बोगटीले यही मङ्सिर २२ गतेदेखि पुस २ गतेसम्म महोत्सव आयोजना गरिने बताउनुभयो । महोत्सवमा बहुराष्ट्रिय कम्पनीदेखि स्थानीयस्तरमा उत्पादित कृषि उपजसहितका स्टल रहने सो अवसरमा जानकारी दिइयो । रासस