मस्को (रसिया), २७ कात्तिक । रसियाली राष्ट्रपति भ्लादिमिर पुटिनले यही महिनाको अन्त्यमा इरानको भ्रमण गर्नुहुने भएको क्रेमलिनले शुक्रबार जानकारी गराएको छ ।
रसिया तथा इरानले सिरियामा भइरहेको द्वन्द्वमा यहाँका नेता बसार अल असादलाई सघाउँदै आएका छन् ।
पुटिनको इरान भ्रमण तेहरानसँग हालसालै विश्व शक्तिराष्ट्रका प्रतिनिधिको पहलमा आणविक सम्झौतापछि दुई देशबीचको आर्थिक एवम् व्यापारिक सम्बन्ध थप मजबुत पार्नेमा केन्द्रित रहने बताइएको छ ।
सन् २००७ मा तेहरानको भ्रमण गर्नुभएका राष्ट्रपति पुटिनले तेहरानमा हुने ग्यास निर्यात गर्ने मुलुकहरुकोे यहाँ हुने गोष्ठीका नेतृत्व गर्नुहुने क्रेमलिनका उच्च विदेशी नीति विज्ञ युरी उसाकोभले बताउनुभयो ।
इरान भ्रमणको क्रममा इरानका विभिन्न उच्च नेताहरुसँग वार्ता गर्ने पनि जनाइएको छ। रासस/एएफपी
प्रतिक्रिया