काठमाडौं । नेपालमा भेस्पा स्कुटरको आधिकारिक वितरक डेल्टा अटोकर्प प्रालिले सोमबार नयाँ १५० सीसी भेस्पा स्कुटर सार्वजनिक गर्ने भएको छ ।
यो स्कुटर कम्पनीको काठमाडौंस्थित त्रिपुरेश्वर शोरुममा सोमबार सार्वजनिक गरिने कम्पनीले जनाएको छ ।
कम्पनीका अनुसार योसँगै नेपालमा भेस्पाको स्कुटर सूचीमा थप एउटा मोडल जोडिनेछ । भेस्पाको छुट्टै इटालियन डिजाइन र राइडिङ अनुभव रोज्ने ग्राहकहरूका लागि यसले थप विकल्प ल्याउनेछ । आफ्नो चिनिने स्टाइल र कालजयी आकर्षणका कारण भेस्पाले नेपालको स्कुटर बजारमा आफ्नो उपस्थिति कायम राख्दै आएको छ ।
डेल्टा अटोकर्प प्रालिका निर्देशक तथा प्रमुख कार्यकारी अधिकृत विजय के. महतोले भने, ‘भेस्पाले सधैं कालजयी इटालियन डिजाइन, व्यक्तित्व र विशिष्ट राइडिङ अनुभवको प्रतिनिधित्व गर्दै आएको छ । हाम्रो नयाँ १५० सीसी मोडलको सुरुवातसँगै नेपालमा भेस्पा परिवारमा थप एउटा सदस्य जोड्न पाउँदा हामी उत्साहित छौँ । बजारमा भेस्पाको उपस्थिति अझ सुदृढ बनाउन र ब्रान्डको विशिष्ट चरित्र तथा विरासत झल्कने उत्पादन ग्राहकहरूलाई उपलब्ध गराउन हामी प्रतिबद्ध छौँ । असोज २६ गते यो नयाँ मोडल सार्वजनिक गर्न र ग्राहकहरूसँग थप जानकारी साझा गर्न हामी उत्सुक छौँ ।’
डेल्टा अटोकर्पले आफ्नो सञ्जाल र स्कुटरको शृंखलामार्फत देशभरका ग्राहकहरूलाई भेस्पाका मोडलहरू उपलब्ध गराउँदै आएको छ ।
नयाँ स्कुटरको विशेषता र उपलब्धताबारे थप जानकारी सोमबार कार्यक्रममा साझा गरिने कम्पनीले जनाएको छ ।
प्रतिक्रिया