गगन भाइलाई सभापति भन्न पटक्कै मन लागेको छैन : कृष्ण सिटौला

काठमाडौं । नेपाली कांग्रेसका नेता कृष्णप्रसाद सिटौलाले गगन थापालाई सभापति भन्न मन नलागेको बताएका छन्।

आज इतर पक्षले आयोजना गरेको राष्ट्रिय भेलालाई सम्बोधन गर्दै उनले विशेष महाधिवेशनलाई मान्यता दिन नसक्ने बताएका हुन् ।

‘विशेष महाधिवेशनलाई मान्यता दिन सकिँदैन,’ सिटौलाले भने, ‘गगन भाइलाई सभापति भन्न पटक्कै मन लागेको छैन।’

निर्वाचन आयोगले मान्यता दिएको भए पनि अहिले सर्वोच्च अदालतले पुनरावलोकन गर्ने भएपछि सच्याउने बाटो खुलेको उनको भनाइ छ ।

उनले भने,‘मानिसबाट गल्ती हुन्छ। आत्मसाथ गर्नुपर्छ, सत्याउन सक्नुपर्छ। गल्ती सच्याउने अवसर छ। गल्ती सच्याउनुस् । तपाईले आँट गर्ने हो, सर्वोच्च अदालतले खोलेको ढोकामा के गर्नुपर्छ, गर्नुस्।’