काठमाडौं । जनकपुरधाममा सद्भाव र्यालीपछि कर्फ्यु हटाएर निषेधाज्ञा जारी गरिएको छ ।
तनावपूर्ण अवस्था बनेपछि गत बिहीबार दिउँसोदेखि अनिश्चितकालीन कर्फ्यु लगाइएको थियो ।
धनुषाका प्रमुख जिल्ला अधिकारी प्रेमप्रसाद लुइँटेलका अनुसार आज बिहान १० बजेदेखि कर्फ्यु हटाई निषेधाज्ञा लागू गरिएको हो ।
सुनसरी घटनाको विरोधमा जनकपुरधामसहित मधेशका विभिन्न जिल्लामा प्रदर्शन भएपछि शान्ति सुरक्षाका लागि प्रशासनले कर्फ्यु आदेश जारी गरेको थियो ।
यसअघि सुनसरी र सिरहाको लहानमा पनि कर्फ्यु हटाएर निषेधाज्ञा लागू गरिएको छ ।
प्रतिक्रिया