कारबाहीमा परे हर्क साम्पाङ

काठमाडौ । श्रम संस्कृति पार्टीका अध्यक्ष हर्क साम्पाङ ट्राफिक कारबाहीमा परेका छन् ।

ट्राफिक नियम उल्लंघन गरेकोपछि उनी कारबाहीमा परेका हुन् । उनले केही दिनअघि भिडियो खिच्दै बाइक चलाएको भिडियो सार्वजनिक भएको थियो । एक हातले सवारी चलाउँदा उनी दुर्घटनामा समेत परेका थिए ।

ट्राफिक प्रहरीले उनलाई लापरबाही साथ सवारी चलाएको कसुरमा जरिवाना गरेको हो ।

‘सामाजिक सञ्जालमार्फत ट्राफिक नियम पालना नगरी सवारी चलाएको सम्बन्धमा प्राप्त जनगुनासोका आधारमा माननीय हर्कराज राईलाई आवश्यक कानूनी कारबाही गरिसकेको जानकारी गराइन्छ,’ नेपाल प्रहरीले भनेको छ ।