रविको ‘जेल ब्रेक’ मा जेलर, रास्वपा नेताद्वय झा र ढकालमाथि अनुसन्धान गरि कारबाही गर्न सिफारिस

काठमाडौं । जेनजी आन्दोलनका क्रममा रास्वपा सभापति रवि लामिछाने नख्खु जेलबाट निस्किएको घटनामा मानव अधिकार आयोगले जेलर र दुईजना रास्वपा नेतामाथि अनुसन्धान गरी कारबाही गर्न सिफारिस गरेको छ ।

आयोगले प्रशासक (जेलर) सत्यराज जोशी, राष्ट्रिय स्वतन्त्र पार्टीका नेताहरु मनिष झा, हरि ढकाल समेतलाई शङ्काको दायरामा राखी सुक्ष्म अनुसन्धान गरी दोषी पत्ता लगाइ कानून बमोजिम कारवाही गर्न सिफारिस गरेको हो ।

यस्तो कार्यबाट नागरिकको संविधान प्रदत्त अपराध पीडितको हक हनन् हुनुको साथै कारागार ऐन २०७९ को दफा ४९ अनुसारको कसुर समेत भएको देखिएको प्रतिवेदनमा उल्लेख गरिएको छ । प्रतिवेदनमा रविलाई भने दोषी देखाइएको छैन ।