मुन म्यानपावरमा छापा, ४३७ पासपोर्ट र सात लाख ९० हजार रुपैयाँ बरामद

काठमाडौं । ललितपुरको जावलाखेलस्थित मुन म्यानपावरमा श्रम, रोजगार तथा सामाजिक सुरक्षा मन्त्रालयले छापा मारेको छ ।

एकजना व्यक्तिको उजुरीपछि मन्त्रालयले छापा मारेको हो । छापा मारेर कार्यालयबाट ४३७ वटा राहदानी र सात लाख ९० हजार नगद बरामद गरिएको छ ।

मन्त्रालयले म्यानपावर कम्पनीलाई सिल गरेर थप कारबाही प्रक्रिया अघि बढाउने जानकारी दिएको छ ।