अनामनगरको साततले घरमा हतियार, सेना र प्रहरीको बर्दी भेटियो, घर धनी पक्राउ

काठमाडौं । सरकारले सरकारी जग्गामा बनाएको भन्दै भत्काएको अनामनगरको साततले घरमा हतियार, सेना र प्रहरीको बर्दी फेला परेको छ ।

धोबी खोला किनारको जग्गा अतिक्रमण गरी बनाइएको उक्त घरमा आज डोजर चलाइएको थियो । त्यस क्रममा घरमा हतियार, सेना र प्रहरीको बर्दी भेटिएको हो ।

प्रहरीले घर धनी इन्द्र चाम्लिङलाई पक्राउ गरेको छ ।

सोधपुछका क्रममा उनले ति सामानहरू सुटिंग प्रयोजनका लागि राखिएको बयान दिएका छन्। थप अनुसन्धान भइरहेको प्रहरीले जानकारी दिएको छ ।