बिहान घर भत्किएको हेर्न सक्दिँन भन्दै थिए, दिउँसो मृत भेटिए सुकुम्बासी राई

काठमाडौं । बल्खुमा एकजना सुकुम्बासी मृत भेटिएका छन् ।

सरकारले घर भत्काउने भएपछि वरक्तिएर निस्किएका ६१ वर्षीय ईन्द्रबहादुर राई मृत फेला परेका हुन् ।

‘बिहान घर भत्किएपछि एक्लै बर्बराउँदै हेर्न सक्दिनँ भनेर निस्किनुभएको थियो,’ पत्नी सरिता राईले भनिन्, ‘अहिले यस्तो अवस्थामा भेटिनुभयो ।’

राई परिवार बल्खुको सुकुमवासी बस्तीमा १६/१७ वर्षदेखि बस्दै आएको थियो ।

उनको मृत्युको कारण भने यकिन भएको छैन । तर उनले आत्महत्या गरेको हुन सक्ने अनुमान गरिएको छ ।