राप्रपाका वरिष्ठ उपाध्यक्ष एवम् पूर्वमन्त्री विक्रम पाण्डे पक्राउ

काठमाडौं । राष्ट्रिय प्रजातन्त्र पार्टी (राप्रपा) का वरिष्ठ उपाध्यक्ष विक्रम पाण्डे पक्राउ परेका छन्।

पूर्वमन्त्रीसमेत रहेका पाण्डेलाई नेपाल प्रहरीको केन्द्रीय अनुसन्धान ब्युरोले शुक्रबार पक्राउ गरेको हो। निर्माण व्यवसायी समेत रहेका पाण्डे कालिका ग्रुपका अध्यक्ष एवं प्रबन्ध निर्देशक हुन्।

सार्वजनिक खरिद प्रणाली ह्याक गरी ठेक्का हेरफेर गरेको प्रकरणमा उनी पक्राउ परेका हुन् । यो प्रकरणमा यसअघि ६ जना पक्राउ परेका थिए ।