पोखरा । पोखराको फेवातालबाट राइफलसहित १८ राउण्ड गोली बरामद भएको छ ।
महानगरपालिका–१८ खपौदीस्थित तालमा स्थानीय ४२ वर्षीय कुमार जलारीले जाल हान्दा लोड गरिएको अवस्थाको एक थान ‘सेल्फ लोडिङ राइफल’ (एसएलआर) फेला परेको हो ।
तालमा माछा मार्ने क्रममा जालमा गह्रौँ वस्तु अड्किएपछि तान्दा हतियार देखिएको भन्दै जलारीले प्रहरीलाई खबर गरेका थिए। प्रहरीका अनुसार बरामद हतियारमा ‘मु वा १११ (बट) नम्बर बडी नं. १३८१०’ उल्लेख छ।
हतियारबारे प्रहरीले अनुसन्धान अगाडि बढाएको छ ।
प्रतिक्रिया