रविको स्वास्थ्य अवस्था सामान्य, सामाजिक सञ्जालमा आएका तस्वीरहरु ‘फेक’

काठमाडौैं । त्रिवि शिक्षण अस्पताल भर्ना भएका राष्ट्रिय स्वतन्त्र पार्टी (रास्वपा)का सभापति रवि लामिछानेको स्वास्थ्य अवस्था सामान्य रहेको अस्पतालले जनाएको छ ।

त्रिवि शिक्षण अस्पतालले एक विज्ञप्ति जारी गर्दै उनको स्वास्थ्यबारे जानकारी दिएको हो ।

हिजो साँझ भर्ना भएका उनको नशाबाट आईभी एन्टिबायोटिक्सको माध्यमबाट उपचार भइरहेको प्रवक्ता डा. गोपाल सेडाईले जानकारी दिए । साथै, सामाजिक सञ्जालमा आइरहेको रविको फोटोहरु अस्पतालको नभएको पनि अस्पतालले स्पष्ट पारेको छ ।