अदालतको अवहेलना मुद्दामा सर्वोच्चले माग्यो प्रधानमन्त्री कार्कीसँग जवाफ

काठमाडौं, ७ मंसिर । प्रधानमन्त्री सुशिला कार्कीविरूद्वको अदालतको अवहेलना मुद्दामा सर्वोच्च अदालतले जवाफ मागेको छ ।

राजदूत फिर्ता गर्ने निर्णय कार्यान्वयन नगर्न सर्वोच्चले दिएको आदेश अवज्ञा गरेपछि कार्कीविरूद्व अवहेलना मुद्दा दर्ता भएको थियो ।

न्यायाधीश हरिप्रसाद फुयाल र अब्दुल अजीज मुसलमानको इजलास आइतबार कार्कीसहित विपक्षीसँग लिखित जवाफ माग गर्ने आदेश जारी गरेको हो।