नेसपा नयाँ शक्ति, प्रगतिशील राष्ट्रिय अभियान र सन्तोष परियारबीच ५ बुँदे सहमति

काठमाडौं, २८ कार्तिक । नेपाल समाजवादी पार्टी (नयाँ शक्ति), प्रगतिशील राष्ट्रिय अभियान र हालसालै राष्ट्रिय स्वतन्त्र पार्टी छोडेका सन्तोष परियारबीच पाँच बुँदे सहमति भएको छ।

आज सम्पन्न हस्ताक्षर समारोहमा नेसपा नयाँ शक्तिका संयोजक डा. बाबुराम भट्टराई, प्रगतिशील राष्ट्रिय अभियानका नेता जनार्दन शर्मा लगायतका नेताहरू उपस्थित थिए।

देश गम्भीर राजनीतिक संकट, भ्रष्टाचार, नातावाद, बेरोजगारी र राजनीतिक दलभित्रको व्यापक अव्यवस्थाविरुद्ध उभिएको जेनजी आन्दोलनको पृष्ठभूमिमा तीन पक्षबीचको यो सहमति भएको बताइएको छ।

सहमतिको उद्देश्य देशलाई अग्रगामी राजनीतिक निकास दिनु, समग्र राजनीतिक संरचनाको पुनर्संरचना गर्नु र सुधारवादी शक्तिहरूलाई एकीकृत धरातलमा ल्याउनु रहेको उल्लेख गरिएको छ।