इतिहासमा देश यति संकटमा सायद कहिल्यै परेको थिएन : प्रचण्ड

काठमाडौं, २६ कार्तिक । नेपाली कम्युनिष्ट पार्टीका संयोजक पुष्पकमल दाहाल प्रचण्डलाई अहिले देश गम्भीर संकटमा रहेको बताएका छन् ।

सुगौली सन्धिपछिको स्थिति हेर्ने हो भने देश अहिले असाधारण संकटमा रहेको उनको भनाइ छ ।

उनले चुनाव जित्नको लागि मात्रै आफूहरूले एकता नगरेको बताउँदै राष्ट्र बचाउनुपर्ने ऐतिहासिक आवश्यकतालाई मध्यनजर गरेर गरिएको स्पष्ट पारे ।

उनले भने, ‘इतिहासमा यति संकटमा सायद कहिल्यै परेको थिएन, सुगौली सन्धिपछिको स्थिति हेर्ने हो भने देश अहिले असाधारण संकटमा छ। त्यसैले यो एकता गरिहालौँ चुनाव जित्नको लागि भनेर गरिएको होइन।’