तुइन खोलामा लेदो खस्यो, मुग्लिन–नारायणगढ सडक फेरि अवरुद्ध

काठमाडौं १४ असोज । मुग्लिन–नारायणगढ सडक फेरि अवरुद्ध भएको छ । मंगलबार साँझ साढे ७ बजे तुइन खोला पुलनजिकै माथिबाट लेदो खस्दा सडक अवरुद्ध भएको सडक डिभिजन भरतपुरले जनाएको छ ।

लेदोसहितको पहिरोले गर्दा दुईतर्फी यातायात सञ्चालनमा बाधा पुगेको छ । सडक डिभिजन भरतपुरका अनुसार, अवरोध हटाउनका लागि आवश्यक मेसिन पहिरो खसेको स्थानतर्फ पठाइसकिएको छ ।

सडक खुलाउन कति समय लाग्छ भन्नेबारे थप विवरण आउन बाँकी छ ।