काठमाडौं, २५ भदौ । राष्ट्रिय स्वतन्त्र पार्टीका सभापति रवि लामिछानेले आफ्नो चाहानाले कारागारबाट निस्किएको नभइ कारागारले नै सुरक्षा दिन नसक्ने बताएर निकालेको बताएका छन् ।
सामाजिक सञ्जालमार्फत रविले आफू ‘बिनापत्र जान्नँ’ भनेपछि पत्र लिएरै निस्किएको बताएका हुन् ।
यस्तो छ, उनको भनाइ-
म आज सिधाकुरा आफ्नो शैली प्रस्तुत गर्न आएको छु । कारागारबाट म निस्किन चाहेको हैन भिड बढेपछि कारागारले मलाई जबर्जस्ती मलाई बाहिर निकालेको हो। मैले बिनापत्र जान्न भनेको हुँ। उनीहरूले जस्तो पत्र दिए जस्ताको त्यस्तै सार्वजनिक गरिसकेको छु। आजै मैले नेपाल प्रहरी र सशस्त्र प्रहरीका प्रमुखहरूलाई आईजीहरूलाई मलाई तपाईंहरूले आफ्नो कस्टडीमा राख्नुहोस्, नियन्त्रणमा लिनुस् या कारागारमा पठाउनुस्( उहाँहरूले स्पष्ट भन्नुभयो( तपाईं आफै सुरक्षित बस्नुस् सुरक्षा दिन नसकेरै कारागारले पत्र दिएको होला। सुरक्षा निकायबाट यस्तो जवाफ आएपछि मैले आजै न्यायिक निकायहरूलाई जानकारी गराइसकेको छु। म सरकार बनाउने सरकारमा जाने कुनै पनि दौडमा छैन। कसैसँग कतै कुनै बैठक गरेको छैन। मेरो नाममा कसैले विवाद गर्न जरुरी छैन। म कुनै रेसमा छैन भनेर धेरै पटक भनिसकेँ। रेसमा नआओस् भनेर डिफेम गर्न जरुरी छैन। तर यो देश रहनुपर्छ लोकतन्त्र रहनुपर्छ र नागरिक सर्वोच्चता रहनुपर्छ। यो कुरामा म कसैसँग नडराइ बाँचुन्जेल राख्नेछु। यो आन्दोलन जेनजीको हो। नेतृत्व जेनजीले नै तय गरोस्। म आफ्नो मुद्दा कानुनी माध्यमबाट लडिरहेको छु लडिरहनेछु। ओली देउवाको कूशासनको सबैभन्दा शिकार भएको म तीनले लगाएको झुटो मुद्दा अझै पनि झेलिरहेको छु। तीनले लगाएको झुटो मुद्दा जिल्लैपिच्छे अझै पनि खेपिरहेको छु। जनताले ओली देउवालाई खेदेर लखेटे तर तीनले लगाएको झुटो मुद्दा मेरो टाउकोमा अझै हटेको छैन। सरकार छैन सुरक्षा निकाय सुरक्षा दिन सक्दिन आफैँ बस भन्छ। कारागार बाटोमा जा भन्छ। जहाँ एउटा ठूलो भिड हातमा आगो लिएर बसेको छ आक्रोश लिएर बसेको छ– भन्नुस्, मैले बाँच्न पाउने कि नपाउने ? कांग्रेस एमालेबाट जेनजीसम्म आइसकेपछि पनि म माथिको अन्याय नरोकिने नै हो त यो देशमा रु मलाई र म नेतृत्वको रास्वपालाई कुनै पनि लाभ चाहिएको छैन। लाउड एन्ड क्लियर। जेलले निस्क भनेर धकेलेर निकालेको पत्र बोकेर सुरक्षा निकायले नै सुरक्षा दिन नसक्ने त्यही जेलमा कुन विधिबाट जाऊँ ?
प्रतिक्रिया