टेली डिजिटल सर्भिसेस्, अब गुगल क्लाउड पार्टनर एड्भान्टेजको आधिकारिक पार्टनर

काठमाडौं, ८ भदौ । रमेश कर्प अन्तर्गतको कम्पनी टेली डिजिटल सर्भिसेस ले गुगल क्लाउडसँगको सहकार्यलाई थप मजबुत बनाउँदै गुगल क्लाउड पार्टनर एड्भान्टेज कार्यक्रम अन्तर्गत ‘गुगल वर्कस्पेस सेल पार्टनर’को रूपमा आधिकारिक साझेदार भएको घोषणा गरेको छ।

सन् २०२३ देखि आधिकारिक गुगल वर्कस्पेस रिसेलरको रूपमा मान्यता पाएको यस कम्पनीले व्यवसायहरूलाई गुगल वर्कस्पेस लाइसेन्स सहज रूपमा उपलब्ध गराउँदै आएको छ। यस सेवामार्फत स्थानीय भुक्तानी विकल्प, तत्काल लाइसेन्स डेलिभरी, तथा सम्पूर्ण प्राविधिक सपोर्ट एउटै स्थानबाट प्रदान गरिनेछ।

कम्पनीले सहकार्यको सुरुवातदेखि हालसम्म ५० भन्दा बढी व्यवसायलाई सफलतापूर्वक सेवा दिइसकेको छ। परम्परागत सिप्यानल–आधारित इमेल प्रणाली को साटो जीमेल–आधारित एकीकृत समाधान उपलब्ध गराउँदै आएको टेली डिजिटलले व्यवसायहरूलाई अझ सहज, सक्षम र प्रतिस्पर्धी बनाउन सहयोग गरिरहेको छ।

गुगल वर्कस्पेस सेवाका प्रमुख विशेषताहरू –

तत्काल लाइसेन्स डेलिभरी – तुरुन्तै अनबोर्डिङ र एक्टिभेशन, अब ७–१० दिन पर्खनु नपर्ने

प्रोफेसनल इमेल एड्रेस – जीमेल इन्फ्रास्ट्रक्चरमा आधारित आफ्नै ब्रान्डेड इमेल

एकीकृत सहकार्य टुल्स – एउटै सब्स्क्रिप्सनमा गूगल डकुमेन्ट्स, सिट्स, ड्राइभ र मिट

प्रत्यक्ष पार्टनर फाइदा – बिचौलियाबिना सजिलो प्रक्रिया र डेडिकेटेड सपोर्ट

स्थानीय भुक्तानी सुविधा – नेपाली व्यवसायका लागि अनुकूल भुक्तानी विकल्प

फुल अनबोर्डिङ सपोर्ट – सेटअपदेखि निरन्तर प्राविधिक सहयोगसम्म

प्रमाणित अनुभव – ५० भन्दा बढी व्यवसायलाई सफलतापूर्वक सेवा प्रदान

कम्पनीका सिइओ नवाँकुर सूदले भने“हामी परम्परागत इमेल प्रणालीका सीमाहरू हटाउँदै नेपाली व्यवसायहरूको डिजिटल सहकार्यप्रतिको दृष्टिकोणलाई रूपान्तरण गर्दैछौँ। यो साझेदारी हाम्रो प्रतिबद्धताको प्रतीक हो, जसले विश्वस्तरीय डिजिटल प्लेटफर्मलाई स्थानीय व्यवसायसँग जोड्छ।”

यस्तै, मार्केटिङ प्रमुख निखिल खेराडी ले भने,“हाम्रो तत्काल डेलिभरी क्षमताले बजारमा नै हामीलाई अलग बनाएको छ। हालसम्म सेवा लिएका ५० भन्दा बढी व्यवसायहरूले परम्परागत प्रणालीको तुलनामा जीमेल–आधारित गुगल वर्कस्पेसको मूल्य प्रमाणित गरेका छन्। हाम्रो दृष्टिकोण ‘सिर्जना, संयोजन र सहकार्य’ ले व्यवसायलाई प्रोफेसनल इमेल ब्रान्डिङ, डकुमेन्ट सहकार्य र सम्पूर्ण कम्युनिकेशन टुल्स एउटै सब्स्क्रिप्सनमा प्रदान गर्दछ।”

टेली डिजिटल सर्भिसेसको यो सहकार्यले अझै पनि सिप्यानल प्रणालीमा निर्भर रहेका व्यवसायलाई आधुनिक क्लाउड–आधारित समाधानतर्फ आकर्षित गर्ने अपेक्षा गरिएको छ।

थप जानकारीका लागि गुगल वर्कस्पेसमार्फत डिजिटल सहकार्य क्षमता बढाउन इच्छुक व्यवसायहरूले टेली डिजिटल सर्भिसेसलाई सम्पर्क गर्न सक्नेछन्। कम्पनीको सजिलो अनबोर्डिङ प्रक्रियाले व्यवसायलाई छिट्टै र सहज रूपमा गुगल वर्कस्पेसमा लैजान मद्दत गर्नेछ।

थप जानकारी वा परामर्शका लागि टेली डिजिटल सर्भिसेसको आधिकारिक वेबसाइट वा प्रत्यक्ष टिमसँग सम्पर्क गर्न सकिन्छ।