काठमाडौं, १५ असार । जिल्ला अदालत काठमाडौंबाट एक जना थुनुवा फरार भएका छन्।
चोरी मुद्दाका आरोपित रुकुम पश्चिमको बाँफिकोट गाउँपालिका १ घर भई हाल गंगबु बस्ने २१ वर्षीय निराजन ठकुरी भन्ने दशरथ शाही शौचालयबाट फरार भएका हुन् ।
थुनछेक बहस चलिरहेका बेला शौचालय गएका उनी फरार भएका बताइएको छ । प्रहरी जवान छविराज रेग्मीको साथमा शौचालय गएका उनी हतकडीसहित फरार भएका हुन् ।
उनको खोजी भइरहेको प्रहरीले जानकारी दिएको छ ।
प्रतिक्रिया