नेपाल एसबिआई बैंकद्वारा रुपन्देहीमा सामाजिक उत्तरदायित्व कार्यक्रम सम्पन्न

काठमाडौं, १९ जेठ । नेपाल एसबिआई बैंकले रुपन्देहीको लुम्बिनी साँस्कृतिक नगरपालिका–४ मनौरास्थित रामजानकी अधारभूत विद्यालयमा अध्ययनरत विद्यार्थीहरुका लागि स्मार्ट बोर्ड तथा खेलकुद सामाग्री प्रदान गरेको छ ।

सामाजिक उत्तरदायित्व कार्यक्रमअन्तर्गत बैंकका लुम्बिनी प्रदेश प्रमुख शिव दाहालले विद्यालय व्यवस्थापन समितिका अध्यक्ष तथा प्रधानाध्यापकलाई एक कार्यक्रमका बीच सामाग्रीहरु हस्तान्तरण गरेका थिए ।

कार्यक्रममा बैंक तथा स्कुल समितिका अन्य उच्च पदाधिकारी र शिक्षकहरु समेतको उपस्थिति रहेको थियो । बैंकले शिक्षा क्षेत्रमा यस किसिमको कार्यक्रम समय समयमा गर्दै आइरहेको छ ।

नेपाल एसबिआई बैंकले बिगत ३१ वर्षदेखि बैकिङ सेवा प्रदान गर्दै आइरहेको छ । हाल बैंकका १०० शाखा, २२ एक्स्टेन्सन काउन्टर, १९ शाखारहीत बैंकिङ, ७ प्रादेशिक कार्यालय, १२५ एटिएम र १ कर्पोरेट कार्यालय सञ्चालनमा छन् ।