ब्राजिलियन फुटबलर रोबर्टो कार्लोस एलओडी आउँदै

काठमाडौं, ७ वैशाख । चर्चित ब्राजिलिय फुटबल स्टार खेलाडी रोबर्टो कार्लोस ठमेलस्थित एलओडी क्लबमा आउने भएका छन् ।

कार्लोस मंगलबार वैशाख ९ गते आउने क्लबका निर्देशक भुपेन कुँवरले जानकारी दिए । उनी दशरथ रंगशालामा भइरहेको नेपाल सुपर लिगको लागि आउने र मंगलबार भने क्लबमा सहभागी हुने निर्देशक कुँवरले जानकारी दिए ।

उनले भने, ‘शुक्रबार आउने पुर्व जानकारी थियो तर उहाँको स्वास्थ्य अनुकुल रहेकोले ३ दिन ढिला गरी मंगलबार आउन लागेको हो । उनको नेपाल भ्रमणले सम्पूर्ण फुटबल प्रेमी दर्शकहरुमा उल्लास छाउनेछ ।’

कार्लोसको एलओडीमा विशेष उपस्थिति हुने जानकारी नेपाल सुपर लिगका आयोजकले जानकारी दिएको छ ।