भारतका केही नेता नेपालमा राजतन्त्र फिर्ता चाहन्छन्, तर भारतमै किन गर्दैनन् ? : शंकर पोखरेल

काठमाडौं, २७ फागुन । नेकपा (एमाले)का महासचिव शंकर पोखरेलले केही भारतीय नेता, धर्मगुरु तथा प्रशासकहरूले नेपालमा हिन्दु राजाको पुनर्स्थापनाको वकालत गरिरहेको विषयमा प्रश्न उठाएका छन् ।

महासचिव पोखरेलले बेलायती उपनिवेश कालको इतिहास सम्झाउँदै भारतमा ५५० भन्दा बढी रियासतहरू रहेको र तीमध्ये अधिकांशमा हिन्दु राजा, नवाब र महाराजाहरूको शासन रहेको उल्लेख गरे । उनका अनुसार, ती राजाहरूलाई विष्णुको अवतारका रूपमा पनि मान्ने संस्कृति थियो ।

‘सरदार वल्लवभाई पटेलले भारतीय स्वतन्त्रता पछि ती रियासतहरुलाई अन्त्य गरेका थिए । कतिपयले अधिनस्थता अस्विकार गरेपछि बल प्रयोगबाट भारतमा विलय गरिएको थियो ।’ महासचिव पोखरेलले फेसबुकमा लेखेका छन् ।

महासचिव पोखरेलले वर्तमान सन्दर्भतर्फ इंगित गर्दै भनेका छन्, ‘अहिले कतिपय भारतीय नेता, धर्मगुरु र प्रशासकहरू नेपालमा हिन्दु राजाको आवश्यकताको चर्चा गरिरहेका छन् । विश्वमा विभिन्न धर्म मान्ने धार्मिक राज्यहरू अस्तित्वमा रहेको बताउँदै हिन्दुहरूको राजा नभएको भनेर चिन्ता प्रकट गरिरहेका छन् । नेपालको पूर्व राजालाई त्यो सम्मान दिनु उचित हुने बताइरहेका छन् ।’ महासचिव पोखरेलले यस्तो वकालत गर्नेहरूको आपत्तिजनक विरोधाभास औंल्याएका छन् ।

‘उनीहरूको चिन्ता उनीहरूले भन्ने गरे जस्तै हो भने भारतमा नै ती हिन्दु धर्मावलम्बी राजा र महाराजाहरूलाई पुनर्स्थापित गर्दा भयो नि । तर त्यो सम्भव छैन, किनकी भारतीय संविधानले त्यसो गर्न दिँदैन । नेपालको हकमा पनि त्यस्तै त हो नि । हैन र ?’ महासचिव पोखरेलको भनाइ छ ।

यस्तो छ महासचिव पोखरेलले फेसबुकमा लेखेको स्टाटस: